Paggamit sa DA-XI sa pagpangayo’g donasyon, usa ka scam

Davao City – Nagpahimangno sa publiko ang Department of Agriculture (DA-XI) batok sa mga tawo o grupo nga iligal nga nagagamit sa pangalan sa ahensya ug opisyales niini sa pagpangayo og cash o kaha in-kind solicitation diha sa social media.

Gipahibalo ang publiko nga walay mando o kaha gi-otorisa si DA-XI Regional Executive Director Abel James Monteagudo sa ilang suppliers, clients, o stakeholders sa pagpangayo og donasyon sa publiko.

Gipaalerto na usab ang awtoridad labot sa maong scam o modus aron kini mainbestigahan ug gipanawagan ang publiko nga i-report kanila ang maong mga insidente.

“If in case anyone encounter such deceptive representation, please report immediately to DA-XI at telephone number: (082) 226 3625 local 1126 or email at darfoxi.ored@gmail.com or to our enforcement authorities (NBI, PNP),” tipik sa abiso sa DA-XI

RadyoMaN Kirby Manzon

Facebook Comments