(photo courtesy of Jhunie Ambalong Gaddi)
Padayon ang imbestigasyon sa Bureau of Fire Protection sa sunog nga miulbo alas 10:46 ang takna sa buntag sa may Purok Hinalinan, Barangay Tubod ning syudad sa Iligan.
Sa pakighinabi ning sibyaan ni SFO1 Richard Cartin ang Fire investigator sa BFP , iyang gi kunpirma nga 9 ka balay ang naugdaw sa kalayo ug 1 ang partially burned diin gisaka sa 3rd alarm ang maong sunog.
Nagsugod ang kalayo sa panimalay ni Constantino Hangca Calibo ug mikatag kini sa mga kabalayan gumikan kay hinimo kini sa light materials ang maong mga balay.
Na under control ang sunog alas 11:08 sa buntag ug gideklarang fireout alas 11:12 na sa buntag.
Mukabat usab sa 200,000 pesos ang initital nga damyos atol sa maong sunog.
Sa initial nga imbestigasyon, problema sa kuryente ang gitan-aw nga hinungdan sa sunog.
Hinuon walay natalang patay o nasamdan atol sa maong insidente
