Katipunan, ZDN-Usa ka ngilngig nga panghitabo sa miaging adlawng Domingo, Enero 13, 2019 tungod sa walay kaluoy nga pagpanigbas sulod mismo sa panimalay sa pamilyang Endas didto sa may Sitio Putting Bato, Brgy. Dabiak, Katipunan, ZDN nga kung diin usa patay sa pamilyang Endas.
Sa gihimong makuting imbistigasyon sa PNP Katipunan nasayran nga kini si Jimmy Bangquiao nga mao ang suspek, misulod kini sa balay sa pamilyang Endas ug sa walay daghang pangutana kutob sa iyang makit-an iyang tigbason.
Patay diha-diha si Mary Grace Sumayong Endas, 19 anyos, samtang samaran usab ang siyam (9) ka bulan nga batang lalaki, maayo usab nga pagkalalap sa aping ni Jelyn Sumayong Endas, 53 anyos ug ni Arwin Endas pulos kini sila nagpuyo sa maong barangay.
Sa dugang pag imbistiga ni PO3 Jeffrey Lorete gibutyag ni Jelyn Endas nga 4:00AM kini si Jimmy Bangquiao, nahidangat kini sa ilang pinuy-anan ug natingala nalang si Jelyn nga nagkaguliyang na ilang sulod hinungdan nga mibakod kini sa iyang gihigdaan ug didto misugat sa iyang mga panan-aw ang walay kaluoy nga pagpanigbas ni Jimmy ngadto sa mga biktima.
Dali nga missinggit si Jelyn para mangayo ug tabang ug nadungog usab kini sa iyang bana nga si Edmar Amod Endas uban ni Julito Mocas Brgy. Tanod sa Dabiak, Katipunan, ZDN samtang nagbaklay pauli gikan sa basketbolan.
Didto naapsan ni Edmar nga ang iyang asawa nga si Jelyn ang nakigbugno pa sa suspetsadong si Jimmy ug didto na gitagaan sa asawa ang iyang bana sa lagaraw aron maka depensa sa iyang kaugalingon.
Napatay ni Edmar ang suspek nga si Jimmy, human sa panghitabo mitahan ra usab kini siya sa kapulisan sa Katipunan.
Kahagahapon gibutyag sa imbistigador nga si PO3 Loreto nga walay bikil ang biktima ug ang suspetsado, pero matod niya ang suspek gikan kini matod pa nag ampo ug myembro sa 4k.
Hinuon wala nalang nagpasaka ug kaso ang mga biktima tungod kay napatay usab ang suspek ug nag amicable nalang matag pikas grupo.
