Mukabat sa 9 ka mga miyembro sa New Peoples Army kon NPA ang nitahan ngadto sa 1st Special Forces Battalion ilawom sa 403rd Infantry Brigade, 4th Infantry Division, Philippine Army nga nakabase sa Mampayag, lungsod sa Manolo Fortich niadtong Setyembre 26, Sabado.
Sa interview sa RMN Malaybalay ngadto kang Brigadier General Ferdinand Barandon, Commander sa 403rd Infantry Brigade, gibutyag niini nga ang maong mga NPA gikan sa Guerrilla Front 68-A ug B nga nag-operate sa Kitanglad ug Kalatungan Mountain Ranges.
Matud ni Gen. Barandon nga apil sa 9 nga mga nitahan sila si Arnie B. Capin, @Lee, 24 anyos, lalaki, Political Instructor sa Guerrilla Front 68 ug Etchel D. Litan, @Langlang, 21 years old, female, Medical Officer nga gikonsiderang mga high value individual.
Dala sa ilang pagtahan ang 6 ka mga high powered firearms nga naglangkob sa 4 ka mga M16, 1 ka M14 ug 1 ka garand rifle.
Gibutyag sa army commander nga ang kakapoy ug kalisod ang usa sa mga rason sa pagtahan sa maong mga NPA ngadto sa kasundaluhan.
