Parañaque City – Ipina-hold ng pulisya ang siyam na sasakyang nakaparada sa isang hotel-casino sa Parañaque City.
Karamihan sa mga ito halos isang taon nang hindi kinukuha ng may-ari.
Ayon kay PNP Highway Patrol Group Director, Sr/Supt. Roberto Fajardo – suspetya nila, mga natalo sa sugal o sangkot sa rent-tangay o rent-sangla modus ang mga may-ari ng mga inabandonang sasakyan.
Dagdag pa ni Fajardo – libre ang parking sa hotel-casino kaya hindi makontrol ng security ang mga pumapasok dito.
Idinala na ang mga ito sa Kampo Krame sa Quezon City para sa imbestigasyon.
Facebook Comments
