Kinilala ng Department of the Interior and Local Government (DILG) ang 9 na lokal na pamahalaan na nagpakita ng kahusayan sa implementasyon ng recovery program para sa drug users.
Ayon kay DILG Secretary Eduardo Año, kinabibilangan ito ng munisipalidad ng Magallanes, Cavite; munisipalidad ng Bacnotan, La Union; Lucena City, Quezon Province; Municipality of Kalibo, Aklan; Ormoc City, Leyte; Pasig City; Davao Oriental; Municipality of Claver, Surigao Del Norte at Malaybalay City sa Bukidnon.
Ang naturang mga Local Government Units (LGUs) ay mga huwaran ng best practices sa Community-Based Drug Rehabilitation and Reintegration Program.
Mula sa 36 na LGUs na minonitor ng Philippine Anti-Illegal Drugs Strategy Project Management Office, 9 ang nakapagpakita na 80% ng mga enrolled sa CBDRP ang naka-graduate sa programa sa panahon ng COVID-19 pandemic.
Ani Año, patunay ito na sa kabila ng pandemic, tagumpay ang grassroots level na pag- rehabilitate at pag reintegrate ng drug users.
