General Santos City–Gipasakaan ug kaso ang mukabat sa siyam ka mga indibidwal kansa una nang nasikop sa gihimong ronda sa kapulisan kagahapong adlawa sa managlahing Barangay sa Lungsod sa Polomolok.
Sumala ni Police Supt. Samuel Cadungon, Hepe sa Polomolok Municipal Police Station gikasuhan silang si silang si Ricardo Servinas, Esperijun Montemor Jr., Siegfred Ponce, Diosdado Cruz, Omar abedin, Jomed Mangudalat, Bea Soberano, Piyok quistadio, ug Brian Rex Martinez
Gikumperma usab ni Police Supt. Cadungon nga adunay mga nakasibat nga mga subject sa ilang search warrant operation apan nakuhaan ug ebidensya mao nga ila gihapon kining pasakaan ug kaso.
Sa karon ang mga nasampit nga mga suspek balhog na sa silda sa Polomolok PNP. samtang gipahimangnuan usab ni Cadungon ang katawhan sa lungsod nga nalambigit sa droga nga undangon na kini.
Dungan niini nanawagan usab ang opisyal sa mga nanag-iya ug armas nga dili lesensyado nga iparehistro ang ilang mga pusil aron nga dili mahimong subject sa search warrant o dili gani mamahimo nila kining isurender sa kapulisan.
