Davao City – Anaa na sa siyam ka Persons Under Investigation (PUIs) sa Coronavirus Disease 2019 (COVID)-19 ang anaa karon sa isolation facility dinhi sa syudad sa Davao.
Sa interbyu sa DXDC RMN Davao kang Dr. Ricardo Audan, Chief of Clinics sa Southern Philippines Medical Center (SPMC), gibutyag niini nga adunay tulo ka bag-ong nadugang nga PUIs nga gi-refer kanila gikan sa mga pribadong ospital.
“Mga 9 [PUIs]. Kasagaran mga referral gikan sa laing mga private hospitals,” saysay ni Audan.
Samtang, gikumpirma ni Audan nga negatibo gayud ang Australiano sa COVID-19 human sa pila ka lab tests nga gihimo kaniya rason nga wala na kini sa isolation facility apan nagpabilin gihapon kini sa SPMC tungod sa laing balatian nga gihambin niini.
Gibutyag ni Audan nga walay niikyas ug gipanigurong walay maka-ikyas nga PUIs gikan sa isolation facility.
Padayon usab nga ginapaabot ang resulta sa laboratory test sa mga PUIs ug ginapaabot usab ang mga COVID-19 testing kits diin adunay gilaumang 100 ka buok niini alang sa SPMC.
RadyoMaN Kirby Manzon
