Davao City – Nag alokar karon og dugang budget ang Local Government Unit (LGU) sa Tagum City, Davao del Norte alang sa paghuman sa ‘isolation facility’ nga ginatukod isip solusyon sa sitwasyon karon sa Coronavirus Disease 2019 (COVID)-19.
Gibutyag ni Tagum City Mayor Allan Rellon atol sa interbyu kaniya sa Davao City Disaster Radio, adunay dugang P5 million nga budget sa maong modernong pasilidad nga maoy himuong ospital sa mga pasyente sa COVID-19.
“Pinaspasay nami’g tukod sa among evacuation diri, forming into a isolation facility. Twenty six (26) rooms amoang himuon diri. Aircon, naay CR, naay exhaust fan, naa poy ceiling fan. On going, pa paspasan na namo ni. Kailangan parang hospital gyud siya,” saysay ni Rellon.
Nasayran nga mas gipahugtan karon ang ‘measures’ sa Tagum City labi na nga naka confine karon sa Davao Regional Medical Center (DRMC) ang unang nagpositibong kaso sa COVID-19 sa Davao region nga naggikan sa Pantukan, Davao de Oro.
RadyoMaN Kirby Manzon
