Yara na sa maayo nga sitwasyon ang siyam sa napulo ka mga preso sang South Cotabato Provincial jail nga ginaaligar nga nafood poison tungod sa nakaon nga sotanghon nga gindala sang isa sa dalaw sang inmate sang selda 13.
Samtang lima sa syam suno kay Warden Juan Lansaderas ang tigayon na nga nakaggwa sa ospital.
Sa subong suno kay Lansaderas ginahulat pa nila ang medical record sang isa ka preso nga napatay matapos nga nalakip sa nafood poison kon bala sa nakaon nga sotanghon ang kabangdanan sang kamatayon sini.
May-angot sini, suno kay Lansaderas istrikto niya nga ginapatuman ang pagregulate sang ginadala nga pagkaon sang mga dalaw sang preso agud nga malikawan ang kapareho nga insidente.
Apang iya ginpapaklaro nga indi matuod nga ginatotal ban ang pagpasulod sang pagkaon sang dalaw sang mga inmates nga nangin rason nga nagsulat suno pa ang pipila ka mga preso kay Governor Daisy Avance Fuentes angot sa nasambit nga isyu.
Apang depende na suno kay Lansaderas sa gobernadora kon sin-o ang patihan sini.
