9 vegiculo yan carambola

160

Yan carambola el 9 maga vegiculo na calsada del Veterans Avenue enantes aga despues el un truck ya perde preno y ya ara con otro maga vegiculo.
Tiene tambien cuantos persona el ya iri durante el mencionao incidente.
Asegun con Erwin Salazar, el driver del truck que ta dueña el un compania de fesca, encamino le junto con 20 maga trabagador para na Baliwasan cuando pasando na Veterans Avnue ya sinti ya le tan pilit el preno.
Porcausa deste, ya tene que para sila y ya compone conel preno y ya continua viaja.
Pero cuando ya llega serca na entrada del DonToribio Street, otravez ya sinti si Salazar tiene ya tamen problema elpreno y este vez ya perde ya el preno y ya ara el su truck con hocho maga vegiculo ya ta inclugi auto, motor, multicab, PUJ, tricycle y un piack-up.
Con cuantos quien ya iri durante elincidente ya lleva na hospital mientras todol maga embuelto vegiculo ya lleva na estacion mientras con Salazar ya pone bajo na imbestigacion.





Facebook Comments