90 Million Pesos, gigahin sa CdeO isip Quick Response Fund batok COVID-19

17
PC: CIO

Gigahin sa kagamhanan sa Cagayan de Oro ang 90 milyones pesos nga pundo isip Quick Response Fund sa pagresponde ug pagbatok sa syudad sa epekto sa corona virus disease kon COVID-19.

Matud ni City Budget Officer Atty. Percy Salazar nga sa maong pundo, mikabat sa 28 milyones pesos ang nagasto na sa syudad ning panahona.


Kini maoy gigasto pagpalit sa food relief packs, personal protective equipment, mga ekipo, medical supplies sama sa face masks ug alcohol, non-food items ug ubang pang kagamitan nga gikinahanglan sa katawhan.

Gidugang ni Salazar nga gipagawas na usab sa syudad ang balor 8.9 million pesos sa miaging semana diin nadawat sa matag barangay ang 111-mil pesos aron magamit pagtubag sa mga opisyales sa panginahanglanon sa mga residente sa barangay.

Facebook Comments