93% SANG MGA PILIPINO COVERED NA SANG PHILHEALTH

i Balita July 15, 2018 (Photo From Web. No Copyright Infringement Intended)

Naglab-ot sa 93 porysento sang mga Pilipino ang covered na sang PhilHealth.

Suno kay PhilHealth President kag CEO Roy Ferrer nga base sa ila report, naglab-ot na sa 97 million ka mga Pilipino ang miyembro kag naserbisyuhan sang PhilHealth sa pagtakop pa lamang sang 2017.

Ginpahayag ni Ferrer nga “committed” ang PhilHealth nga mahatagan ang tanan nga Pilipino sang kinahanglanon nga financial access sa health care nga nasaad sa Republic Act 7875.

Dugang pa ni Ferrer nga padayon nga ginapasangkad sang PhilHealth ang ila benefit packages kag ila na nalab-ot kag naserbisyuhan ang mga imol.