Nagapadayon ang preparasyon sang Department of Health 12, partner government agencies kag mga local government units sa ipatigayon nga national vaccination day sa Nobyembre 29, 30 kag Disyembre 1 subong nga tuig.
Suno kay Arjohn Gangoso, Regional Health Education and Promotion Officer sang DOH 12, nagalab-ot sa 935,682 ka mga indibidwal sa rehiyon ang target nga mabakunahan batok COVID-19 sa tatlo ka adlaw nga vaccination day.
Base sa datos sang DOH 12, ang North Cotabato may 296,544 ka mga indibidwal nga target nga mabakunahan, South Cotabato- 182,085, Sultan Kudarat- 162,924, Sarangani- 134,484, General Santos City- 105,267 kag Cotabato City- 54,377.
May-angot sini, ginahangkat ni Gangoso ang mga unvaccinated individuals nga suportahan ang three-day vaccination agud malab-ot ang herd immunity batok COVID-19.
Samtang sa mga luyag naman nga magvolunteer sa three –day vaccination magpadulong lamang sa mga rural health unit sa lugar kag magpalista.
