94.3 iFM: The official music station of MassKara Festival 2017
Liwat nga napili-an ang 94.3 iFM Bacolod bilang official carrier station sang MassKara Festival 2017.
Ang iFM ang magapatukar sang official music sang MassKara sa sini nga tuig sa maabot nga Oktubre 21 kag 22.
May yara sang kabilugan nga 15 ka mga barangay kag 11 ka ekwelahan ang magapartisipar sa 2017 MassKara Festival street and arena dance competition.
Ang mga ini ang barangays 5, 7, 8, 15, 18, 26, 29, 39, 40, Alijis, Banago, Mandalagan, Pahanocoy, Punta Taytay, kag Tangub.
Ang mga participants naman sa elementary schools amo ang: Banago Elementary School II (District I), Bata ES II (District II), Mabini ES (District III), Handumanan ES I (District IV), Luis Puentevella ES (District V), Education and Training Center School (ETCS)- I (District VI) kag Mariano G. Medalla Integrated School (District VII).
Sa secondary schools naman amo ang: Domingo Lacson National High School (Unit I), Romanito Maravilla NHS (Unit II), Bacolod City NHS (Unit III), kag Paglaum NHS (Unit IV).
Magasugod ang street competition sa dalan Lizares-Araneta las-3 sa hapon samtang ang arena competition naman ang magasugod las-4 sang hapon sa Public Plaza
Patigayunon ang schools competition sa Oktubre 21 (Sabado), samtang ang barangay competitions ang sa Oktubre 21 (Dominggo).
Ang street kag dance competitions ang isa sa mga highlights sang tuigan nga MassKara Festival.
Sa sini nga MassKara, magapanghatag man sang papremyo ang 94.3 iFM para sa mga listeners para may inug lagaw kamo sa MassKara! Padayon lang ang pagpamati sa official carrier ang music station sang MassKara Festival 2017!
——————–
Like our official Facebook page: www.facebook.com/ifmbacolod943
