Sa kahadlok mamatay 6 ka NPA mi-surrender

197

Na corner sa gira ug nahadlok nga mamatay, mao ang hinungdan sa pag surrender sa unom (6) ka mga rebelding NPA sigun pa sa usa ka opisyal.
Sumala pa ni Lt. Colonel Rommel Pagayun, commander sa 26th Infantry Batallion nga duha sa NPA nga misurender sakop kini sa Guerilla Front Committee 34.
Ang GFC 34 naga operate kini sa bukirang bahin sa Loreto, Agusan del Sur ug Compostela province. Ang laing upat pa nga misurrender sakop kini sa Guerilla Front Committee 88 nga nag lihok sa San Luis, La Pazug Talacogon Agusan del Sur.
Gidugang pa ni Colonel Pagayun, nga ang bakbakan niadtog Septimbre 29, 2017 sa Barangay Binicalan, San Luis maoy nakapa-aghat kanila sa pag balik sa sabakan sa balaod.
Dala sa ilang pag balik sa sabakan sa balaod ang 11 ka tag-as nga kalibre sa armas.
Sila gipresentar ni Lt. Colonel Pagayon ngadto kang Colonel Andres Centino, ang commander sa 401st Brigade ug ngadto kang Talacogon Mayor Jesryl Masendo.
Sa interview ni Mayor Masendo, gipahayag niini nga ang mga surrenderees makadawat kini ug hinabang financial gikan sa program sa CLIP, arun makasugod na sila sa bag-ong kinabuhi.
Sa karun wala pa gikabutyag ang pangalan sa mga nag surrender for security reasons.



Facebook Comments