94 ka timbangan sa mga tindahan sa merkado sa dakbayan, nakunpiska tungod wala ma calibrate

Nubentay kwatro ka timbangan ang nakunpiskar sa mga sakop sa Local Price Coordinating Council kun LPCC human sila mipahigayon ug Operation Timbangan sa mga merkado ug tindahan kagahapong adlawa.

Gibutyag ni Ms. Elvie Redoblado sa Department of Trade and Industry o DTI  nga gikan sa kapin dos syentos ka timbangan nubentay kwatro lang ang nakunpiskar ug gidala sa buhatan sa Permits and Licenses Division.

Tungod kini sa pagsupak sa mga negosyante nga ma calibrate ang ilang mga timbangan sa paglikay nga makahimo ug dili maayong binuhatan ngadto sa ilang mga customer.


Matud ni Redoblado nga mamahimo man nga lukaton sa mga negosyante ang ilang nakunpiskar nga timbangan apan magbayad na kini sila ug multa lakip ang pagpabutang ug selyo sa pagpamatuod nga kini calibrated na nga timbangan.

Facebook Comments