95% coverage pataas target sa polio vaccination

31

Davao City – Target karon sa Davao City Health Office (CHO) ang 95% pataas nga coverage alang sa umaabot nga ikaduhang hugna sa Sabayang Patak Kontra Polio.

Kini human anaa sa 99.48% coverage sa oral polio kun kapin 105,000 ka mga nag edad 5-anyos paubos ang nabakunan sa unang hugna sa maong kampanya.


Sumala ni Dr. Julinda Acosta, Chief Technical Division, kini gumikan sa kusog nga political support ni Davao City Mayor Sara Duterte-Carpio ug Vice Mayor Sebastian Duterte ingon man sa mga membro sa 19th City Council ug voluntary civic members.

Gikanayon ni Acosta nga ang nahibiling porsyento mao ang mga ginikanan nga wala lang nisugot pabakunahan ang anak, dunay balatian ang bata panahon sa pag door-to-door sa health workers, ug wala ang tigtungod panahon sa schedule sa ilang barangay.

“Nag refuse sila kay dili lang daw sila magpabakuna sa ilang anak kay siguro wala lang gyud nila nasabtan ang benepisyo sa bakuna,” tataw niini.

Gikatakdang ipahigayon ang ikaduhang hugna sa pagbakuna karong Nobyembre 25 hangtod Disyembre 7.

Apan una niini, dunay himuong re-orientation sa barangay official sa Nobyembre 18 ug private ug government partners sa Nobyembre 19.

“Davao is highly vulnerable to disease transmission because it is being one of the strategic place. Marami po tayong migrants at sa ngayon apat na ang na-report na poliomyelitis,” matud niini.

Dugang sa maong health official nga hugot usab ilang koordinasyon sa mga pribado ug publikong hospital aron masigurong mabakunahan ang bag-ong mga nahimugsong bata.

RadyoMaN Jason Amisola

Facebook Comments

From Advertisers