*General Santos City— Gibana-banaang anaa sa 95 porsyento sa mga empleyado sa city hall ang apektado sa pagpasirado sa KAPA. Kini ang nahimong pag-angkon ni Gensan City Mayor Ronnel Rivera.*
*Apan gibutyag niini nga uban sa mga nasangpit nga nakabawi na sa ilahang gi-donate apan kauluoy matud pa ang mga bag-o lang naghulog o nagdonate nga wala nakadawat ug binulang blessing.*
*Sa karon matud pa, nakamugna na sila ug technical working group sa pagpanguna ni Becky Magante, ang labaw sa CSWDO Gensan aron nga tabangan emotionally ug psychologically ang mga miyembro sa kappa ug uban pang investment scheme nga nakasinati ug depression. Kaabag nila ang mga non-government organization alang sa maong lakang sa lokal nga panggamhanan.*
*Aminado si Mayor Rivera nga ako gyud ang nahimong epekto sa pagpsirado sa KAPA sa ekonomiya sama nalang matud pa sa mga mall, mga pagkanunanug uban pa.*
*Apan siya positibo nga temporaryo lang kini nga setback sa ekonomiy sa Gensan sa dili madugay, makabawi lang gihapon ang katawhan.*
*Sama lang matud pa kini sa nahitabo sa industriya sa tuna kaniadto human nga gibawalan sa Indonisia nga managat sa ilahang kadagatan apan nakapangita ug pamaagi aron nga subling mabuhi ang industriya sa tuna.*
*Kalabot niini, gi-angkon ni Mayor Rivera nga dili nila kontrolado ang regulasyon sa gika-ingong forex trading nga sumala pa usa s amga ginakuhaan pondo sa managlhing investment scheme sa dakbayan nga ginahatag sa ilahang mga miyembro.*
*Saysay niya nga daghan na matud pang mga investment scheme ang nanggawas nga nagahatag ug dagkong interest sama sa 100 ngadto na 400%. Rason nga kinahanglan gyud nga kini tun-an ug maayo, ayha kini maregulate gobyerno.*
