Davao City – Moabot sa 96,000 pesos ang street value sa marijuana nga nakuha sa otoridad gikan sa usa ka lalaki nga naaresto human namaligya sa nasangpit nga iligal nga droga alas 6:30 sa gabii niadtong Hulyo 9, 2018 sa Sitio Baluyan, Barangay Bolton, Malalag, Davao del Sur.
Sa report gikan sa Philippine Drug Enforcement Agency (PDEA-XI), giila ang naaresto nga si Paul Kalay Nakagawa, 24 anyos ug residente sa Barangay Balasiao, Kiblawan, Davao del Sur.
Nakuha gikan sa dinakpan ang duha ka bugkos sa marijuana nga gibana-banaang mutimbang sa kapin kun kulang 800 grams.
Balhug na sa prisuhan ang lalaki og mag atubang og kasong adunay kalapasan sa Republic Act 9165 Comprehensive Dangerous Drugs Act of 2002.
RadyoMaN Renz Barbarona
Facebook Comments
