Gibutyag ni Police Major Dexter Domingo, DCPO-Traffic Enforcement Unit Chief, nisaka og 6% ang nahitabong mga disgrasya sa kadalanan kung itandi sa tuig 2022 nga 5,381.
Sa datos sa TEU, 97% sa disgrasya tungod sa human error, 2% ang vehicle defect samtang 1% ang road defect.
Segun ni Domingo, 10,169 ka mga behikulo ang nalambigit sa disgrasya ug top 3 sa datos private vehicle (40%), motorcycle (18%) ug truck (10%).
Sagad usab mahitabo ang mga vehicular accidents sa mga giidentipikang mga high risk areas ang Carlos P Garcia, Mc Arthur Highway, JP Laurel, Quimpo Boulevard ug Panacan.
Gibutyag ni Domingo nga karong 2024 gistriktuhan ug gipakusgan pa nila ang enforcement sa EO 39, RA 4136 ug uban pang traffic laws and regulations.
Nagpahimangno si Domingo sa tanang mga motorista nga mamahimong disiplinado ug mutuman sa balaod trapiko aron malikayan ang mga aksidente ug violations sa mga kalsada.
RadyoMaN Aimee Guinita
