Nagbakwit kahapon nga adlaw ang yara sa 98 ka mga pamilya nga may 137 ka mga kabataan tungod sa nagluntad nga engkwentro sa nabukid nga bahin sang Barangay Basag, T`boli, South Cotabato sang Dominggo nga adlaw.
Ini sa pihak sang pronouncement sang pamunuan sang 27th IB nga indi na kinahanglan ang force evacuation tungod malayo man ang encounter site.
Suno kay Provincial Disaster Risk Reduction and Management Action Officer Mila Rivera ang mga bakwit ang residente sang Purok Bato sa nasambit nga Barangay nga nagtinir sa Kebuling Elementary School nga gilayon man nga ginkansela sang Department of Education ang klase kahapon nga adlaw.
Samtang subong nga adlaw suno kay Maam Rivera posible pabalikon na sa ila tagsa ka mga puluy-an ang mga bakwit.
May-angot sini, nagpatigayon na sang relief operation ang PDRRMO sa evacuation center.
