General Santos City— Mukabat na sa 99 ang naitalang nagsurender sa dakbayan gikan sa 180 nga target sa Oplan Tokhang. Kini ang gibutyag ni Police Chief Inspector Jovenson Bayona, tigpamaba sa GenSan City Police Office.
Sumala niya nga aduna nay 17 ang malampusong naaresto pinaagi sa drug operation samtang duha ang namatay atol sa operasyon kung asa usa niini ang namatay sa may area sa probinsya sa Maguindanao samtang ang usa mao si Bryan Curtado nga napatay sa operasyon sa Regional Police Drug Enforcement Unit kon RPDEU sa may Narangita St. Brgy. South ning dakbayan milabay’ng semana.
Samtang ang 62 nga nahibilin sa listahan ang padayong nilang ginamontior ug nakatakda pa usab nga pahigayunan ug tokhang apan ang uban ang dili na makita sa dakbayan.
Dugang pamahayag ni PCI Bayona nga kung basihan ang datus, dili tanang anaa sa target list ang dinhi sa dakbayan ngapuyo gumikan uban ang pagbalhin-balhin ug lugar hilabina kung asa adunay mas taas nga demand.
Samtang kung basihan ang record s amga naunang misurender sa mga naunang oplan tokhang s akapulisan, sagad sa mga nahisgutan ang gikan sa mga kasikbit nga mga lugar sama sa probinsya sa South Cotabato ug Sultan Kudarat.
Saysay pa niya nga posibleng madungan pa ang 349 nga anaa sa listahan sa tibuok rehiyon nga gipakanaug sa Directorate For Inteliigence gumikan adunay daghang mga newly indentified nga lambigit sa illegal nga droga.
Apan, iyaha man usab nga ginalauman nga mas mutaas pa ang ihap sa mga musurender sa otoridad gumikan na usab s amas gipakusgang kampanya batok illegal nga droga.
