Target ng pamahalaan na mabigyan ng first at second doses ng COVID-19 vaccine ang 77 milyong Pilipino sa unang kwarter ng 2022.
Ayon kay Health Secretary Francisco Duque III, kumpiyansa siyang maaabot na ma-fully vaccinate ang 54 milyong indibidwal bago matapos ang taon.
Sinabi rin ni Duque na layunin din ng administrasyon na mabakunahan ang 90 porsyento ng populasyon ng Pilipinas o 99 milyong Pilipino bago matapos ang termino ni Pangulong Rodrigo Duterte sa Hunyo 2022.
Sa kasalukuyan, nasa 39.7 milyong Pilipino na ang fully vaccinated laban sa COVID-19 habang 56.64 milyon ang naiturok ng first dose.
Facebook Comments
