Abang Lingkod Partylist Rep. Paduano nagresign na sa super majority

79

Bacolod City – Bilang ‘delikadeza’ nagresign si Abang Lingkod Party-list Stephen Paduano sa super majority sa House of Representatives. Suno kay Paduano, paano siya  makaupod sa super majority bangod wala man siya nagboto pabor sa ginaduso nga death penalty bill.


Antis pa man nagdesisyon, nagpabalo na nga daan si Paduano nga indi siya mag-upod sa Death Penalty Bill bangod supak ini sa iya panan-awan kag prinsipyo.


Si Paduano ang anay katapo sang CPP-NPA apang sa ulihi nangin lider sang break-away group nga Regional Proletarian Army – Alex Bongcayao Brigade (RPA-ABB).


“Everybody deserves a second chance”, pahayag ni Paduano nga wala man naglaom kag naghandom nga mangin mamalidha.


Ginpahayag ni Paduano nga nagpabalo man siya sang iya tindog sang nagmeeting ang Visayan Block sa pagpanguna ni Negros Occidental 3rd District Representative Alfredo ‘Albee’ Benetiz sang nagligad nga mga sinimana.


Handa naman siya nga sa ulihi kuhaon ang mga posisyon nga ginhatag sa iya sang super majority nga una na ginpalayag ni House Speaker Pantaleon Alvarez. /dyHB-Bacolod



Facebook Comments