Davao City – Gimandoan karon ni Liga ng mga Barangay President Edgar Ibuyan Sr., ang mga Barangay Captain sa Davao City nga pakusgan ang pagbantay ilang lugar tungod sa pagtaas sa kaso sa lugos sa dakbayan sa Davao.
Gi-awhag ni Ibuyan ang mga barangay official nga pakusgan ang pagpatrolya sa mga baranay tanod matag gabii ug i-itensify ang barangay tanod visibility ug makig-alayon sa kapulisan aron pagsanta sa krimen nga nagapanghitabo.
Segun sa kapitan nga dako usab og tabang ang gipatuman sa kapulisan nga Oplan Kilos’ o Kababainhan, Kabantan-onan, Kalalakin-an Igiya Laban sa Pagpanglugos nga pinaagi niini masayud ang publiko sa mga angay buhaton aron mapugngan ang krimen ug sexual abuse.
Kahinumduman, niadtong Miyerkules alas 8:00 sa buntag, Mayo 17,2023, napalgang patay sa kasagingan sa Brgy. Dacudao, Calinan ang dalagang architect nga si Vlanche Marie Bragas human gilugos sa wala mailhing suspek.
RadyoMaN Don Pulayao
Facebook Comments
