General Santos City–Gikumpirma ni ABC Presidenti ug Barangay Cannery Site, Polomolok kapitan Antonio Octavio nga kaniadto pa dunay bahad sa kinabuhi si Barangay Rubber Kagawad Jemuel Cariaga, kansa gipusil patay alas 8:00 pasado sa Buntag sa may Purok 4, Barangay Rubber Polomolok.
Nasayran nga una nang gi-strapping sa wala mailhing mga suspek ang balay ni Cariaga pipila na ka bulan na ang nakalabay apan swerting wala kini maigo.
Sumala pa ni kapitan octavio nga unta nagbantay na si Kagawad Cariaga ilabi na kay aktibo kini sa operasyon sa kapulisan sa pagpahigayon og search warrant operastion sa ilang barangay og nagtuo ang nasampit nga kapitan nga dunay nasuko sa maong kagawad gumikan sa iyang trabaho isip brgy opisyal ilabi na kay aktibo usab kini sa kampanya batok illegal nga droga.
Dugang asoy sa nasampit nga lisod ang ilang trabaho isip opisyal sa baranagy tungod kay sila man ang mapasinganlan sa mga tawo nga maoy misumbong sa kapolisan apan gipaklaro niini nga ang ilang pag witness sa operasyon sa otoridad dili lamang kini para sa kaayuhan sa PNP kundili aron walay maagrabyado og dili magduda nga gibutang butangan lang og ebidensiya.
Nanawagan na lamang si ABC President Octavio sa katawhan sa Polomolok nga unta masabtan nila ang ilang trabaho isip opisyal sa barangay og undangon na ang pagpakiglambigit sa illegal nga droga tungod kay dili kini makahatag og kaayuhan og masayang lang ang kinabuhi. ( Reynald Timario)
