General Santos City– Nagpahimangno si ABC President ug Barangay Cannery Kapitan Antonio Octavio ngadto sa katawhan sa Polomolok nga dili dayon magtuo sa migawas nga balita sa naasoyng barangay nga duna matud pay grupo ang manghatag og yuta nga gikan kang Pangulong Rodrigo Duterte.
Sumala pa ni octavio nga usa lamang kini ka pagpanigilad og pagpangwarta sa mga tawo gumikan kay kung tinuod kining maong gimbuhataon kinahanglan nga moagi gayud sila sa barangay og makig-alayon sa mga opisyal dili kay moderetso lang sa pag awhag nga duna silay ipanghatag nga yuta sa tawong walay kaugalingong luna.
Nanawagan na lamang ang kapitan sa tanang katawhan dili lang sa taga Brgy.Cannerry kon dili sa Tibuok Polomolok nga kung dunay tawo nga motanyag nga maghatag og yuta dili dayon magtuo tungod usa kini ka pagpangilad.
Mas maayo usab nga ireport gilayon kini sa mga opisyal sa barangay aron kini maimbestigahan. (Reynald Timario)
