ABC President sang South Cotabato aminado nga wala sila naorient angot sa Covid19 Contact Tracing System nga ipatuman sang provincial government, pagresolber anay sang isyu ginaduso.

Wala sila naorient kag wala nila naintiendihan nga mga barangay kapitan sa South Cotabato suno kay Association of Barangay Captain President kag Board member Rolando Malabuyoc ang angot sa ipatuman nga South Cotabato Covid19 Contact Tracing System” ukon SCCCTS sang provincial government.
Apang suno sa iya sang nag-abot ang rapid household profile survey form sa iya nga barangay ginpafil-apan niya ini, apang tungod sa pipila ka isyu gin-untat niya ang pagpafill-up.
Suno sa iya wala nila naintiendihan kon ano ang katuyuan kag kon ano ang matabo pagkatapos sang rapid household profile survey.
May-angot sini, tungod may nagapamatok sa nasambit nga tikang ni Governor Reynaldo Tamayo Jr. suno kay Malabuyoc ginaduso nila resolberon anay ang isyu antes nila nga ipadayon ang rapid household profile survey tungod sa iya panan-awan may punto man ang mga nagapamatok sa South Cotabato Covid19 Contact Tracing System.”
Nahibaluan nga sa nasambit nga Covid19 Contact Tracing System.”kinahanglan nga ibutang ang kumpleto nga pangalan,birthday kag mangin optional naman suno pa ang pagbutang sang civil status, skills, relihiyon kag iban pa base sa ginapafil-apan nga rapid household profile survey form.
Pagkatapos sini isulod sa database ang mga impormasyon sa survey form kag ipanghatag ang citizen`s ID nga may QR code nga magaserbi suno pa nga quarantine pass nga halin sa provincial government kag kinahanglan naman suno pa sang establishemento nga magdownload sang app
Katuyuan suno pa sini nga nga mapadasig ang contact tracing matapos nga ang kada isa ang may Citizens ID ukon quarantine pass nga gamiton bisan diin magkadto nga pribado kag pampubliko nga establisyemento paagi sa pagscan sang mobile app.