Davao City – Angay sumala pang magbaton og igong basehan ang mga miyembro sa Kabus Padatuon (KAPA) Community Ministry International Inc. sa pagpangayo og P3-B damages tungod sa pagpasirado sa ilang organisasyon.
Sa interbyu sa DXDC RMN Davao kang Ateneo de Davao University (ADDU) law professor Arnold Abejaron gisaysay niini nga ang korte ang mo-desider labot niini ug ang basehan sa grupo nga magsuporta sa ilang panawagan.
“It’s for court to decide, pero they have to prove kung pa-unsa sila pagka damage sa kadtong nahitabo nga closure sa gobyernment sa maong investment scheme,” segun ni Abejaron.
Samtang segun ni Abejaron nga nanginahanglan usab og basehan ang panawagan sa grupo nga pagpa impeach ni Presidente Rodrigo Duterte diin gipasabot niini nga kana kung adunay nahimong kalapasan ang presidente sa konstitusyon.
“Kung magpa impeach sila, kailangan man pud na naay basis. Ang question lang ana naa bay culpable violation sa constitution,” saysay ni Abejaron.
Kahinumduman nga sa reklamo nga giduso sa Rhema Int’l Livelihood Foundation o Cirfund sa Korte Suprema, gipasabot niini nga grabe ang nahimong damyos human sa pagpasirado sa KAPA rason nga kinahanglang magbayad ang gobyerno og P3 billion damages ug gawas niini buot usab sa nahisgutan nga ipa-impeach si Presidente Rodrigo Duterte.
RadyoMaN Kirby Manzon
