Gitin-aw karon ni Presidential Spokesperson Ernie Abella nga katingad-an ang basihan o panukaran sa usa ka Social Weather Station (SWS) Quarter 2 2017 survey nga matud pa 54% nagtoo nga wala nisukol ang mga napatay sa war on drugs.
Sa media forum, gisugilon ni Abella nga dili nila masabtan o ma-konektar ang latest SWS survey tally sa labing ulahing survey results sa ‘public satisfaction ratings’ sa katawhan ngadto kang Pres. Rodrigo Duterte ug sa iyang liderato.
Una niini, gipadayag sa palasyo ang kadismaya niini sa ‘leading and pointed questions’ nga gihungit sa SWS ngadto sa ilang pinili nga mga respondiyente.
Ang resulta nagtukmod usab sa mga kritiko sa administrasyon nga seryosong tun-an ang implikasyones niini diha sa integridad sa nagpadayong nasudnong kampanya kontra narkotiko.
Ang SWS survey gibigwasan usab sa Philippine National Police (PNP) gumikan aduna silay pruweba nga nanukol gayud ang mga napatay gani ubayubay na nga awtoridad napatay ug naangol samtang naglusad sa anti-drug operations.
RadyoMan June Duterte
