Nakibot kag wala gid nagpinsar ang mga ginikanan ni Edu Pace Matulac sang Concepcion, Iloilo nga mapreso ang ila anak bangud sang illegal nga droga.
Suno sa amay ni Matulac nga si Paciano, mabuot ang iya anak kag nagaderetso ini sa iya boarding house halin sa eskwelahan.
Dugang pa ni Paciano nga sang iya na-istorya ang anak, gintu-ad sini nga ginplantedan siya sang kapulisan gani willing ini magpa-drug test.
Sa karon, nagapakig-angot na ang mga ginikanan ni Matulac sa ila abogado.
Nahibaluan nga 3rd year Criminolgy student si Edu Pace Matulac sa University of Iloilo apang nakahunong na karon sa Lapaz PNP kaupod si Jenny Jano sang East Baluarte, Molo, graduating Criminology student sang St. Therese-MTC Colleges matapos nakuhaan sang 14 ka sachet sang suspected shabu sa ginpatigayon nga buybust operation kahapon.
