Abellera posibleng mupasaka sab og kaso kang Trillanes

Davao City – Dako ang puruhan nga lakip si Davao City 1st District Councilor Nilo “Small” Abellera Jr nga mupasaka og kaso kang Senador Antonio Trillanes human giingon ni kanhi Bise Mayor Paolo Duterte nga magduso kini og kasong kriminal ug libelo batok sa numero uno nga kritiko ni Pangulong Rodrigo Duterte.

Sa interbyu sa DXDC Rmn Davao kang Abellera nga ginatun-an na sab sa iyang pamilya ug sa ilang mga abogado ang posibling pagpasang-at og kaso batok kang Trillanes gumikan lagi sa pagdilahig kaniya sa isyu sa TARA system sa Bureau of Customs.

Nagtoo ang magbabalaod sa siyudad nga hayan nangahoy lang og mga impormasyon si Trillanes nga pwede magamit sa pagbuno og mga kaso sa mag-amahang Duterte bisan unsa na lang nga alegasyon ang ginahimo niini.


Hinoon, wala na gibutyag ni Abellera kung unsa nga matang sa kaso ang iyang ipasang-at batok kang Trillanes.

RadyoMaN Joel Viray

Facebook Comments