Gikasohan na sa mga kapolisan ang usa ka abogado nga nadkpan sa anti-narcotics operation sa Cagayan de Oro city niadtong Huwebes sa gabii.
Nailhan ang maong abogado nga si Marlon Yap ug nagpuyo sa Centrio Towers sa may Corrales Avenue ning syudad. Matud pa ni Senior Inspector Excyllo Alcantara, ang chief sa CDO Police City Drug Enforcement Unit, ang 39 anyos nga si Yap nakuhaan ug lima ka gramo nga shabu sulod sa tulo ka sachets nga adunay estimated value nga P35 thousand pesos. Lakip usab nga nakuha sa iyang posesyon ang P500 pesos nga marked money ug usa ka celphone.
Nadakpan ang maong abogado atol sa gipahigayon nga buy bust operation sa may Velez-Mabini sts. Barangay 29 ning syudad.
Depensa ni Yap nga inosente kini ug kabalo sa mga balaud busa dili nya posibleng mabuhat ang maong krimen. Apan matud pa ni Alcantara nga apil si Yap sa police drug watchlist ug gani gikonsidera pa isip usa ka “high value target”.
Detinado na karon si Yap sa Maharlika police headquarters samtang padayon kining ang-andam sa iyang depensa. Matud pa niini nga planted ang mga ebedensya batok kaniya. Mangayo usab kuno ang maong abogado ug mga cctv footages aron palig-onon ang iyang depensa nga kini matud pa inosente sa maong salaud.
