Gidakop sa tropa sa SWAT sa Butuan Public Safety Company ang usa ka abogado gumikan sa sumala pa pagpabuto ug armas Giila ni Police Chief Inspector Ephraim Detuya, hepe sa Police Station 4 sa Ampayon, ang abogado nga si Atty. Rolando Gilbert Salise, residente sa Purok 5 Bonbon, Butuan City Ang pagpabuto nahitabo pasado alas 12:00 sa udto sa Purok 6, Barangay Tagabaca sa usa ka basakan nga gipanagiya sa kanhi naka relasyun sa maong abogado. Sumala pa ni Major Detuya, nga ang pagkasikop ni Salise gumikan kini sa tawag sa 7 ka mga manganihay, nga nakasaksi sa lima ka beses nga pagpabuto sa maong abogado. Nakuhaan sa kalibre 45, ang abogado nga sumala pa naka sulod sa usa ka sling bag. Usa ka Danny Batukan, usa sa manganihay, mikumpirma nga nagpasalba si Atty. Salise, ug gimanduan ang mga manganihay nga mamauli. Tumang ang kalisang gibati sa mga mag-uuma gumikan sa boto sa armas. Sa pakighinabi ngato kang Atty. Salise, hugot niya nga gipanghimakak nga siya nagpabuto. Wala sumala pa sa iya nakuha ang kalibre 45, kung dili didto sa iyang uyoan nga uban niya niadtong tungura. Aduna sumala pa silay bikil sa inahan sa iyang anak, nga tag iya sa basakan gumikan sa issue sa bayad sa fire insurance. Siya sumala pa nag asikaso sa insurance sa tag-iya sa basakan (pangalan gitago), apan pagka release sa fire insurance wala na nagpakita ang maong iyang kanhi naka relasyun. Tags: ATTY SALISE, tagabaca, police station 4, dxbc, rmn693 Sent from my Samsung Galaxy smartphone.
