Patay si Atty. Rafael Atutubo, 65 anyos, kag residente sang Talisay City matapos ginluthang sang riding in tandem pasado alas 11:00 kaina sang aga malapit sa corner Galo BBB/Lopez Jaena Street, Bacolod City.
Suno kay Bacolod City Police Director PSSupt. Francisco Ebreo , nakaangkon sang patal nga igo sang bala sa ibabaw sang wala nga kilay si Atutubo.
Suno sa mga nakakita , nagdulog ang duha ka suspek nga nagasakay sa motorsiklo sa lugar nga nagaserbe opisina ni Atty. Atutubo.
Ila nabatian ang duha ka lupok kag nakita nga natumba na si Atutubo kag duguon.
Gindala pa ini sa hospital apang gindeklara nga dead on arrival.
Nahibaluan nga sikat si Atty. Atutubo sa pagbulig sa mga drug suspects.
Padayon karon nga ginapangita sang kapulisan ang mga suspetsado.
(c) RMN Bacolod
