Abri-klase: Free WiFi spots imontar sa DDO

Davao City – Dakong tabang sa abri-klase sa Agosto 24, 2020, ang i-montar nga mga free WiFi spots sa probinsya sa Davao de Oro kaabag ang Department of Information and Communications Technology (DICT) ug United Nations Development Programme.

Sa interbyu sa DXDC RMN Davao kang Jayvee Tyron L. Uy Davao de Oro Governor, gibutyag niini ang maong “Free WiFi For All Project” nag target nga maka-install og 186 free WiFi public hotspots sa probinsya diin ang 171 hotspots i-montar sa pampublikong eskwelahan.

“Very timely karon labi na sa new alternative mode of learning or distance learning diin kini magamit sa mga teachers and students within the five to seven kilometer radius kung asa nato ikabit,” saysay ni Uy.


Gitataw ni Uy, ang DICT na ang magbayad sa subscription sa WiFi ug bugtong kuryente lamang ang tulubagon sa mga eskwelahan o kung asa kini ikabit.

Samtang sa mga areas nga walay kuryente apil na sa package ang solar power aron kini magamit sa pag-improbar sa edukasyon luyo sa Coronavirus Disease 2019 (COVID-19).

RadyoMaN Kirby Manzon

Facebook Comments