Report ni: Tita Jen Palomo Debaja
Ginhilway na kagab-i si Jennifer Dalquez, ang Filipina household worker nga naga pangatubang sang death penalty sa United Arab Emirates sa pagpatay sang iya amo nga isa ka police sang Disyembre 2014.
Ginkumpirmar sang DFA paagi kay Sir Elmer Cato nga naga pakig angut na ang Philippine Embassy sa Abu Dhabi sa otoridad sang UAE para sa flight ni Dalquez pabalik sa Manila kaina sang kaagahon.
Tumandok sang General Santos City si Dalquez kag naglupad ini sa UAE sang Disyembre 2011 agud magtrabaho bilang household worker nga ginbilin ang iya 2 ka magagmay pa nga kabataan.
Sa madumduman, Disyembre 7, 2014, sang gintutukan sang kutsilyo kag gintuyo nga luguson si Dalquez sang iya employer nga isa sa police officer.
Nakatigayon nga maagaw sang pinay ang kutsilyo kag sa self defense aksidente nga napatay sini ang iya amo.
“Napatay ko po ang aking among pulis dahil tinangka niya po akong gahasain at patayin. Sinunog po niya ako. Pinalo, sinuntok, at sinara niya po ang pintuan palabas at doon niya po ako pinalo ng bote sa mukha sa bandang taas ng mata,” portion sang audio recording nga ginpadala ni Dalquez sa pro-OFW group Migrante kon sa diin nag apela siya sang bulig sa gobyerno.
Mayo 20, 2015 sang gin sentensiyan si Dalquez sang Al Ain Court sang death penalty.
Sang Enero 2017, nag apela si Dalquez kay President Duterte nga buligan ini kag maabswelto sa iya kaso tungod gin dependehan Lang sini Ang kaugalingon sa tuyo nga paglugos sang iya amo nga police.
“Nagmamakaawa po ako sa mahal nating pangulo na tulungan niya po ako na makauwi na sa bansa natin. Kayo lang po ang aking pag-asa na makalabas po dito sa kulungan,”
Gin abswelto sang UAE appeals court si Dalquez matapos napaslawan nga makatambong ang kabataan sang amo sa 2 ka sunod sunod nga hearing agud magsumpa sang 50 ka beses kg maka pamatuod nga si Dalquez gid lang ang upod sang ila amay sa poluy an kag Wala na sang iban pa nga makahimo sang krimen.
Kalipay naman ang nabatyagan sang pamilya ni Dalquez nga 4 katuig na nga naga pangamuyo kag nagahulat sa iya pagpauli.
