Un miembro del Abu Sayyaf Group embuelto na Tumahubong kidnapping ya sale arestao enantes madrogada na Isla de Malamawi.
Con el arestao ya nombra como si Masser Lim Omar, 57, casao, del mencionao lugar.
Si Omar tiene el mandamiento de aresto na caso de kidnapping and serious illegal detention que tiene el case number de (1381) 121887.
El su warrant of arrest ya man issue el Regional Trial Court branch 261, del Regional Trial Court National Capital Region, Pasig City del Abril 27, 2004.
Con Omar ya aresta el maga pulis del Isabela City Police Station, Philippine Army del 15th Special Forces Company, Maritime Police y 304th del Philippine Air Force ya encabesa si Insp. Kent Gudmalin bajo na supervicion di Supt. Restituto Pangusban, banda alas 2:30 del aga.
Con Omar ya lleva na estacion del Isabela City Police Station para el temporary detenida.
