Davao City – Gibutyag karon sa City Transport and Traffic Management Office (CTTMO) nga mamahimong bawi-on, i-suspinde o kaha i-revoke sa Land Transportation Office (LTO) ang lisensya sa usa ka driver labi na panahon kung magbaton kini og kalapasan kun violations.
Sa interbyu sa DXDC RMN Davao kang Dionesio Abude, head sa CTTMO, gibutyag niini nga angay lamang kining ipatuman tungod kay dili katungod ang pagmaneho kundili usa lamang kini ka prebelihiyo.
“Gipahibalo nato sa atong PUV driver’s education program nga kanang driver’s license is only a privilege. Pwede na bakwi-on ug pwede suspindihon, i-revoke na sa atong LTO kay privilege ra man na siya. So mao nay dapat natong ipatuman,” saysay ni Abude.
Subay sa datus sa Davao City Police Office – Traffic Group gikan February 2019 hangtud September 19, 2019, anaa sa 127 katao ang naaresto ug nakasohan tungod sa RA 10556 or Anti-Drunk and Drugged Driving Act of 2013. 12,199 ang nakalapas sa RA 10054 or ang No Helmet Act. Samtang, 45,766 ang nakalapas sa RA 4136 o ang Land Transportation and Traffic Code.
RadyoMaN Kirby Manzon
