Roxas City, Capiz – Nagpalab-ot sang iya reklamo sa talatapan sang Traffic Management Unit(TMU) ang isa ka babaye matapos ini ang ginsukot sa tuman ka mahal nga plete kag ginpakahuy-an sang drayber sang traysikol nga iya ginsakyan. Base sa blotter entry sa Roxas City Police Station, nagsakay ang wala na ginhingadlan nga babaye mga alas 10:30 sang aga halin sa Magallanes Street kag nagpadul-ong ini sa Philtrust bank sa Roxas Avenue sa diin ini ang may transaksyon antes nga nagpadul-ong pakadto sa may bahin sang isa ka pribado nga boluthoan sa Roxas Avenue Extension. Sang nagbayad ang tagreklamo sang 50 pesos, wala ini pagbatuna sang drayber nga si Libardo Jimenez y Desalet, 44-anyos ang pang-edaron sa baylo nagpadugang pa ini sang 20 pesos. Nagsinggitan pa ang drayber nga ginkahuya naman sang amo nga babaye. Bangud sini, ginpakamaayo sini nga magreklamo sa talatapan sang TMU. Ginmultahan ang amo nga traysikol drayber bangud sa overcharging kag pagka-arogante sini.
