Davao City – Supak ang Barangay Kapitan sa Brgy. Lasang syudad sa Davao sa tinguha nga himoong requirement ang edukasyon sa mga mopapili sa Barangay ug SK Elections karong Mayo 14 ning tuiga.
Sumala ni Lasang Barangay Kapitan Allan Simoag, dili na kinahanglan ang taas nga edukasyon tungod kay ang pagserbisyo mao ang gikinahanglan.
Giklaro pa ni Simoag nga usaka diskriminasyon alang sa mga ubos lamang og grado ang ingon niini nga tumong sa gustong mopapili sa piniliay.
Matud ni Simoag, daghang tag-as nga mga buhatan sa gobyerno sama sa Senado nga wala gikinahanglan ang taas nga grado .
Samtang uyon si Simoag sa lakang nga himoong regular salary ang paghatag og suholan sa mga barangay officials tungod kay kulang ra ang honorarium nga ginadawat ilabina sa paghatag og hinabang.
RadyoMaN Bernard Pantallon
