Davao City – Wala pa mailhi ang namatay nga helper sa driver sa wing van nga mibangga sa dump truck kaganihang alas 3:00 sa kadlawon sa dalang Bunawan ning syudad.
Atol sa pakighinabi sa DXDC news team sa mga witness, nagub-an ang dump truck kagabii pa lamang tunga sa dalang Bunawan duol sa Tefasco apan pasado alas 3:00 sa kadlawon nibangga ang naghaguros nga wing van sa maong truck bisan aduna kini warning signal rason nga nalagpot kini sa pikas lane.
Sumala pa wala maunsa ang laing tulo ka mga sakay sa wing van apan nakawsan sa kinabuhi ang helper sa maong driver.
Nasayran nga gikan sa Norte nga bahin ang maong van diin adunay karga nga mga humay ug sakay ang upat ka mga indibidwal.
Sa interbyu kang PO1 Aklan nagapadayon sa pagkakaron ang pagpanubay sa Bunawan PNP kalabutan sa nahitabong insidente.
RadyoMaN Jason Amisola
