General Santos City—subling giablihan na sad sa syudad ang Antonio C. Acharon Memorial Park alang ngadto sa publiko, kini human sa pipila usab ka higayon nga gisara gumikan sa kakulangan sa mga lubnganan sulod sa maong sementeryo.
Sumala ni Ma’am Mary Ann Bacar, department head sa City Housing and Land Management Office nga sa karon adunay mukabat sa 600 cells ang available kansa mamahimo nang kalubngan sa mga namatay nga residenti dinhi sa syudad sa Gensan.
Samtang ginahan-ay nasad karon ang pag construct ug dugang mga lubnganan sa maong sam-ang human nga giparobahan na ang pundo sa pagmugna niini.
Nasayran nga pila na ka higayon nga gisara ang ACAMP alang sa mga buot magpalubong sa ilang kabanay nga namatay gumikan sa kakulangon ug lubnganan, apan gipaningkamutan sab sa syudad nga makahimo ug mga Cells sulod sa ACAMP.
