Pontevedra, Capiz – Patay ang isa ka persona matapos ini ang nalukpan sang ginasukbit nga armasluthang alas 8:30 sang gab-e sa Brgy Binuntucan banwa sang Pontevedra.
Ginkilala ang biktima kay Frudencio Baes Jr. y Arcete, 30- anyos ang pang-edaron sang Brgy Yating, Pilar, Capiz sa diin nag-angkon sang pilas sa natuo nga bahin sang paa kabangdanan sang kamatayon sini matapos nga nahubsan sang dugo.
Nahibaloan nga base sa inisyal nga imbestigasyon sang mga kapulisan, ginasubay sang biktima ang dalan pauli sa ila poluy-an sakay sa motorsiklo sang gulpi nga nabunggo sa ginasundan nga motorsiklo nga ginamaneho naman ni Yolando Francisco Jr. Bangud sa impact sang pagkabunggo, aksidente nga naglupok ang armasluthang nga .38 caliber revolver nga ginasukbit sang nasambitan nga biktima.
Sa subong yara na nakahunong sa lock-up cell sang Pontevedra PNP ang tricycle driver nga si Yolando Francisco Jr para sa dugang nga imbestigasyon.
