Account officer sa usa ka lending company, patay sa pagpamusil sa Digos

Davao City – Dead on the spot ang account officer sa usa ka lending company human kini gipusil sa wala pa mailhing mga suspek sa Purok Talisay, Roxas Extension, Barangay San Miguel, Digos City bandang alas 7 sa buntag gahapon, November 23, 2023.

Sa pakighinabi sa DXDC RMN Davao kang Davao del Sur Police Office Provincial Director Police Colonel Giuseppe Geralde, giila ang biktima nga si Glenboy Monday Aldeguer.

Sa inisyal nga imbestigasyon, nasayrang nag-drive lang ang biktima sa iyang motorsiklo sa dihang gidikitan kini sa riding in tandem suspects ug gipusil sa tuong bahin sa iyahang nawung ug nisibat paingon sa may Barangay Tres De Mayo, Digos City.

Butyag ni Geralde nga aduna na sila’y ginatutokan nga mga tawong posibleng mao’y mga suspek. Samtang, padayon ang on-site investigation aron masuta ang motibo sa krimen.

“Isa lang [pinusilan] ang nakita didto sa SOCO nga possible entry sa iyahang ulo unya wala nakagawas ang bala. Sa motive, dili pa nako ma-divulge pero sa suspect, gina-follow up na karon kay naa nata’y gipangsubay,” pamahayag ni Geralde.

RadyoMaN Ivy Parido