Davao City – Angay modungan sa anod sa kausaban sa sistema sa edukasyon ang mga kabataan karon aron ma-handle nila ang ilang pagtoon ubos sa blended learning system karon.
Gibutyag ni Davao First District Councilor Mabel Sunga-Acosta nga daku ang role sa mga ginikanan sa malampusong pagtoon sa ilang mga kabataan ilawom sa pandemic situation.
Matud ni Acosta, adjustment ug taas nga pasensya ang susi aron makuha sa mga kabataan ang kalidad sa pagtoon panahon sa COVID-19.
Positibo ang konsehala kinsa usa usab ka educator nga padayong makabarug sa krisis ang kadaghanan sanglit sa panahon sa kalisdanan, dinha man usab molutaw ang katakos ug abilidad sa Pilipino dili lamang aron mo-survive apan molampos pagbuntog sa usaka ‘invisible enemy.’
Pagdasig ni Acosta ngadto sa tanan nga mukapyot lamang gayod ug dili mubuhi sa paglaum hinonoa, gamiton kini isip armas aron makalatas kita gikan sa kalisud mugna sa virus nga nidabo-dabo karon sa entero kalibutan.
“Daku gyod kaayo ang kausaban dili lang sa pag-adjust sa mga estudyante ug sa ilang teachers kon dili sa mga ginikanan pod…So, it takes a lot of patience…It takes also a lot of adjustment kay daghan ang nangawad-an og trabaho…But in the meantime, kalampagin natin ang gobyerno kung kailangan natin ng pagkain…Ang mga Pilipino, sa tinuod lang, mangita gyod og paagi nga makalingkawas gihapon basta dili lang mawad-an og paglaum,” dugang ni Acosta.
RadyoMaN Joel Viray
