Roxas City, Capiz – Ginpahayag subong sang UNICEF ang kabalaka angut sa pagtinguha sang Kongreso nga pagpanubo sang minimum age sang criminal responsibility sa mga pamatan-on sa Pilipinas halin sa orihinal nga 15-anyos.
Sa statement nga ginpaguha, ang nasambitan nga proposal nga pagpanubo sa minimum nga 9 kag 12-anyos ang isa ka paglapas sa kinamatarong sang mga kabataan.
Sa tiun nga mapapasar, isa ini ka makabig nga “act of violence” kontra sa mga kabataan.
Suno diri nga ang mga kabataan nga may yara sang ginapangatubang nga bayolasyon sa laye ang biktima lamang sang mga sirkumstansya kaparaeho sang kaimulon kag pag-abuso ukon paghingalit sang mga may edad na.
Ginpunto pa nga sa baylo nga presohon ukon pasabton sa laye ang amu nga mga kabataan nga menor de edad, dapat nga ang mga ini ang proteheran kag tuytoyan.
Sa subong, natalana na nga talakayon sa idalom sang Committee on Justice sang Senado ang nasambitan nga proposal nga ginfile ni Senate President Tito Sotto III nga pagpanubo sa 12-years old ang minimum age of criminal responsibility. Ini nga hagna ang mas mataas sa siyam ka tuig nga ginasulong sa Kamara.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
