ACT Teachers: Abri-klase sa Agosto gikabalak-an

Davao City – Nabalaka ang hut ong sa mga magtutudlo sa planong pagbukas sa klase sa high school ug elementary karong bulan sa Agosto basin matakdan sa COVID-19.

Sumala ni Reynaldo Pardillo, presidente sa Alliance of Concerned Teachers nga ug ablihan na ang klase unsay kaseguruhan kagamhanan nga ang mga magtutudlo ilabina ang mga bata dili matakdan niining dili makita nga coronavirus.

Matud ni Pardillo nga dili sila musupak sa programa sa DepEd apan angay gyud lantawon kun naplastar na ba ang mga lakang aron ang mga magtutudlo ug magtutungha dili madugang sa walay pag ubos nga ihap sa nagpostibo sa COVID-19.


“Unsa man ang eskwelahan ba o ang gobyerno ang mo-provide ba sa gitawag nato nga PPE, mga mask mga alcohol? Naa lagi mi gitawag og chalk allowance nga madawat karong June tingali ma divert namo na palit sa PPE, maskara. Mask balik balikon ba diay na? Tibuok adlaw na para ma ensure gyud nimo nga way corona, you have to change every now and then. Kana nga hisgutanan mao na ang among clamor” segun ni Pardillo.

Gidugang usab niini nga mamahimo lamang epektibo ang paagi sa pagtudlo pinaagi sa internet kun ang tanang tulunghaan Wifi connected nga paspas dili susama sa karong panahona nga personal nga kwarta sa mga magtutudlo ang gibayad sa ilang internet connection.

RadyoMaN Erin Lumosbog

Facebook Comments