Activation sa Local Price Monitoring Council sa matag LGU sa rehiyon giduso

85

Koronadal City—Gipa-activate ni Department of Agriculture -12 Regional Director Arlan Mangelen sa tanan nga mga Local Government Units sa rehiyon ang Local Price Monitoring Council (LPMC) aron nga motabang sa pagpahigayon ug monitoring sa presyo sa mga agri-products sama sa karne sa baboy ug manok ingon man gulay sa iyang lokalidad.

Tumong matud pa niini aron nga mapugngan ang pagpahimulos o pagmanipula sa pipila ka mga negosyante sa presyo sa mga agri-products ug uban pang palaliton.


Basehan usab sa monitoring sa presyo sa mga agri-products ang gipagula nga suggested retail price sa DA 12.

Pahayag pa ni RD Magelen, nga walay kakulangan sa supply sa karne, isda ug sa mga gulay sa rehiyon.

Base sa SRP nga gipagula sa ahensya sa Rehiyon-12, dili dapat mosubra sa P300 ang presyo matag kilo sa baboy ug anaa sa P154.00 ang average sa matag kilo sa karneng manok.

Samtang sa gulay may SRP man nga gipagula ang DA 12.Awhag nalang ni RD Mangelen sa mga kunsumante nga kung adunay mga negosyante nga nagabaligya ug produkto nga lampas sa SRP, ireport gilayon sa ilang buhatan o sa Local Price Monitoring Council (LPMC) sa lugar. Nasayran nga kalit mimahal ang presyo sa mga gulay sama sa kalabasa human sa bag-ong tuig.



Facebook Comments